-
您的購物車是空的 !
沙田柚其實唔係真係嚟自香港沙田,而係源自大陸一條名叫「沙田」,出名種柚呢種柚嘅村,而香港人亦習慣叫沙田柚做「碌柚」。
(沙田柚)
但揀一個好嘅沙田柚都唔簡單:優質沙田柚嘅果皮較薄,並有重量感,而且愈重愈好;果肉會較軟同多汁,味甜核少。
如果水分較少,果肉就會帶苦澀味,同有渣,所以記住記住要摸吓個柚,表皮太光滑就代表可能果肉入面無乜水份。
文旦柚,嚟自台灣,又全稱為「麻豆文旦」。據說清朝皇帝嘉慶偶然食到,聽聞文旦喺台南麻豆區限定品種,仲特登去咗台灣食;而登基後,更要求地方官進貢文旦柚,自此「麻豆文旦」就成為學術中柚類的種名之一。
(麻豆文旦)
所以文旦柚來得矜貴,價格相對較貴,約$2x - $4x ,所以揀一個好文旦就更係一種學問。揀文旦柚,最緊要睇佢個下盤,要去除以往「生果愈大愈好」嘅諗法,揀文旦時要套用「不倒翁原則」:建議從細粒嘅落手,揀頭尖、頸短、下盤夠闊嘅文旦柚。頭尖、頸短代表果肉充足皮薄,闊底就代表文旦柚夠成熟,如果發現平放文旦柚後歪斜,就唔好買喇。
食文旦最緊要揀個黃臉婆,夠多皺紋先好買,外皮多皺紋,就代表柚皮嘅水分已經充足吸收到果肉入面,呢個時候食嘅話,會格外多汁又飽滿!
文旦食用上都有個小常識——辭水!
(辭水)
辭水其實好簡單,只要將文旦柚放喺陰涼通風嘅位置一至兩星期,直到柚皮表面變黃同皺皮,就完成辭水嘅過程喇。辭水嘅原理係將多餘嘅水份蒸發,提高甜度,辭水後嘅柚會更加香甜好食!
泰國三角牌金柚,行內又稱「三角嘜」,認住個金Label,清甜又多汁!
(泰國金柚,三角嘜)
行內會將柚子分為A B C三級,以「三角嘜」就係A級中嘅常客。真正嘅「三角嘜」產自泰國南部,零售價絕少低過50蚊,記住咪畀冒牌貨呃到!
(泰國金柚,三角嘜)
「三角嘜」,又名西施柚,外形比較圓,柚肉帶粉紅色,柚味重,又甜又多汁,口感清爽。同沙田柚一樣,要揀佢最緊要夠大同飽滿!但認實佢個Label就唔慌死會揀錯喇!
中秋食柚,享受人月兩團圓,食完柚,仲可以拎柚皮整燈籠添!仲唔係物超所值!
如果對柚子有興趣嘅話,歡迎隨時聯絡:
Whatsapp/電話:8222 8888
Email :sales@ifruit.hk